پاکستان کے 9 کھلاڑی لنکا پریمئرلیگ 2024 میں ایکشن میں نظرآئیں گے

لنکا پریمیئر لیگ (ایل پی ایل) 2024 میں پاکستان کے9 کھلاڑیوں کی خدمات حاصل کرلی گئیں۔  
منگل کے روز ہونے والے لنکا پریمیئر لیگ 2024 کے پلیئرز آکشن میں مختلف ٹیموں نے پاکستان کے 9 کھلاڑیوں کی خدمات حاصل کرلیں۔ 
پی سی بی کی کھلاڑیوں کو سلا میں دو لیگز کھیلنے کی اجازت دینے کی پالیسی کی وجہ سے پاکستان ٹیم کے بڑے نام لنکا پریمیئر لیگ سے دور ہی رہے۔ 
لنکا پریمیئر لیگ 2024 یکم جولائی سے 21 جولائی تک کھیلی جائے گی جس کیلئے پلیئرز آکشنز منگل کےروز ہوئے جس میں پاکستان کے افتخار احمد کو دمبولا تھنڈرز نے پچاس ہزار ڈالرز میں پک کیا۔ فاسٹ بولر محمد حسنین کو تیس ہزار ڈالر میں بی لوو کینڈی نے حاصل کیا جب کہ وسیم جونیئر کو کولمبو اسٹرائیکرز نے 20 ہزار ڈالرز میں حاصل کیا۔ جبکہ شاداب خان اس سے پہلے ہی کولمبواسٹرائیکرز کا حصہ بن چکے ہیں۔  
بی لووکینڈی نے اعظم خان کو بھی 50 ہزار ڈالرز میں حاصل کرلیا جبکہ سلمان علی آغا کو دس ہزار ڈالرز میں حاصل کیا گیا۔ فاسٹ بولرمحمد علی 10 ہزار ڈالرز میں بی لوو کینڈی کا حصہ بنے۔ حیدر علی کو دمبولا تھنڈرز نے 25 ہزار ڈالرز میں حاصل کیا۔  
پاکستان کے آل رائونڈر شاداب خان پلیئرز آکشن سے قبل ہی کولمبو اسٹرائیکرز کا حصہ بن چکے تھے۔ 
پاکستانی کرکٹ ٹیم کے بڑے نام لنکا پریمیئر لیگ میں آکشن میں پک نہیں ہوئے، ذرائع کا کہنا ہے کہ پی سی بی کی جانب سے دو لیگز کھیلنے کی پالیسی کی وجہ سے اکثر پاکستانی کرکٹرز کم معاوضے والی لنکا پریمیئر لیگ سے ڈیل کرنے کے بجائے زیادہ معاوضے والی دیگر لیگز میں دلچسپی رکھتے ہیں۔ 
پاکستان کے فاسٹ بولرحارث رؤف، زمان خان اور ابرار احمد میجر لیگ کیلئے ایکشن میں ہوں گے جو چار جولائی سے 28 جولائی تک ہوگی۔ جولائی کے آخر میں ہونے والی دی ہنڈریڈ میں نسیم شاہ، عماد وسیم، شاہین شاہ آفریدی، حارث رؤف اور اسامہ میر ایکشن میں ہوں گے۔