پاکستانی نژاد ریاضت علی شاہ نے یوگنڈا کو ٹی 20 ورلڈ کپ کی تاریخ رقم کرنے میں مدد دی۔
٠٧ جون ٢٠٢٤
ٹی20 ورلڈکپ کے نویں میچ میں یوگنڈا نے پاپوا نیو گنی کو 3 وکٹوں سے شکست دے دی۔ پروویڈنس میں کھیلے گئے گروپ سی کے میچ میں یوگنڈا نے 78 رنز کا ہدف 19 ویں اوور میں 7 وکٹوں کے نقصان پر حاصل کیا۔
یوگنڈا کی جانب سے ریاضت علی شاہ 33 رنز بنا کر نمایاں رہے۔ جوما میاگی 13، الپیش رامجانی 8، سائمن سسازی، روبنسن اوبُیا 1،1 جبکہ دِنیش ناکرانی اور روجر موکوسا 0، 0 رن بنا کر آؤٹ ہوئے۔
پاپوا نیوگنی کی جانب سے الی ناؤنے 2 جبکہ نورمن وینیوا، چاڈ سوپر اور کپتان اسد والا نے 1، 1 وکٹ حاصل کی۔
اس سے قبل یوگنڈا کی دعوت پر پہلے کھیلتے ہوئے پاپوا نیوگنی کی پوری ٹیم 20 ویں اوور میں 77 رنز پر ڈھیر ہوگئی۔
پاپوا نیوگنی کی جانب سے ہِری ہِری 15 جبکہ لیگا سیاکا اور کپلن ڈوریگا 12، 12 رنز بنا کر نمایاں رہے۔ سیسے باؤ 5، چارلس امینی 5، نورمن وینیوا 5، الی ناؤ 5، چاڈ سوپر 4، ٹونی ارا 1 اور کپتان اسد والا 0 رن بنا کر پویلین لوٹے۔
یوگنڈا کی جانب سے الپش رامجانی، جوما میاگی، کوسماس کائیوٹا اور فرینک سوبوگا نے 2، 2 جبکہ کپتان برائن مسابا نے 1 وکٹ حاصل کی۔
.jpg)
