پاکستان 22 اگست سے سری لنکا میں افغانستان کے خلاف تین ون ڈے میچوں کی سیریز کھیلے گا جس کے بعد ٹیم 30 اگست سے شروع ہونے والے ایشیا کپ کی تیاریوں میں مصروف ہوجائے گی۔
١٧ اگست ٢٠٢٣
قومی کرکٹ ٹیم کے ہیڈ کوچ گرانٹ بریڈبرن نے کہا ہے کہ بھارت کے خلاف میچ سے قبل افغانستان کے ساتھ ہونے والی سیریز پر توجہ ہے، محمد رضوان اور بابراعظم ورلڈ کلاس کھلاڑی ہیں، ہم اچھے فاسٹ بولنگ آل راؤنڈ کی تلاش میں ہیں۔
تفصیلات کے مطابق قومی کرکٹ ٹیم کے ہیڈ کوچ گرانٹ بریڈبرن نے میڈیا سے بات چیت کرتے ہوئے کہا کہ کھیل میں تبدیلی آرہی ہے جس کو مدِ نظر رکھ کر پلاننگ کر رہے ہیں، مکی آرتھر 23 اگست کو ٹیم کو جوائن کریں گے، اور ہم مڈل آرڈر میں مزید بہتری کے لیے کوشاں ہیں۔
گرانٹ بریڈبرن نے کہا افغانستان کے خلاف پہلا میچ انتہائی اہم ہوگا، رضوان اور بابر ورلڈ کلاس کھلاڑی ہیں، ٹیم کے لیے ہم اچھے فاسٹ بولنگ آل راؤنڈر کی تلاش میں ہیں، فہیم اشرف کی ٹیم میں واپسی ہوئی ہے۔
انہوں نے کہا کہ بھارت کے خلاف میچ سے قبل افغانستان کے خلاف سیریز پر توجہ ہے، کرکٹ میں کسی بھی ٹیم کو آسان حریف نہیں سمجھ سکتے۔
.jpg)
