اس ایونٹ کو آئی سی سی کی جانب سے تسلیم نہیں کیا گیا ہے۔
٠٤ جولائی ٢٠٢٤
پاکستان کے 3 ٹاپ کرکٹرز سمیت نصف درجن کھلاڑیوں کو کینیڈا گلوبل ٹی20 میں شرکت کے لیے تاحال پاکستان کرکٹ بورڈ (پی سی بی) سے اجازت کا انتظار ہے۔
پی سی بی نے ابھی تک کرکٹرز کو نو آبجیکشن سرٹیفکیٹ (این او سی) جاری نہیں کیا، جس کی وجہ سے پلئیرز کے ٹورنامنٹ میں شرکت کے امکانات معدوم ہوتے دکھائی دے رہے ہیں، گلوبل ٹی20 لیگ کینیڈا میں کھیلی جائے گی تاہم اس ایونٹ کو آئی سی سی کی جانب سے تسلیم نہیں کیا گیا ہے۔ فرنچائز کے مالکان کی تبدیلی کے باعث ٹورنامنٹ کے انعقاد پر خطرات کے سائے منڈلا رہے ہیں۔
دوسری جانب گلوبل ٹی20 لیگ میں قومی ٹیم کے کپتان بابراعظم، شاہین آفریدی، محمد رضوان کے علاوہ آصف علی، محمد عامر، افتخار احمد اور محمد نواز بھی لیگ حصہ ہیں۔
اسی طرح کا ایک اور امریکی میجر لیگ کرکٹ ایونٹ جمعے سے ٹیکساس اور نارتھ کیرولینا میں شروع ہورہا ہے، 6 ٹیموں کی یہ لیگ 28 جولائی تک جاری رہے گی۔ اس دوران مجموعی طور پر21 میچز کھیلے جائیں گے، 4 ٹیموں کا تعلق آئی پی ایل سے ہے،ان میں ایم آئی نیو یارک، ٹیکساس سپرکنگز، لاس اینجلس نائٹ رائیڈرز اور دہلی کیپٹیلز کی سیاٹل آرکس شامل ہیں جبکہ دیگر 2 ٹیمیں سان فرانسسکو یونی کارنز اور واشنگٹن فریڈم ہیں۔
پاکستانی کھلاڑی ابرار احمد اور حارث رؤف یونی کارنز کا حصہ ہیں جبکہ زمان خان اور عماد وسیم سیاٹل آرکس میں شامل ہیں۔
.jpg)
