احمد آباد میں 14 اکتوبر کو کھیلے گئے پاک بھارت میچ میں بھارتی شائقین نے پاکستانی کھلاڑیوں کے خلاف مذہبی اور نامناسب نعرے لگا کر انہیں اُکسانے کی کوشش کی تھی۔
١٨ اکتوبر ٢٠٢٣
پاکستان کرکٹ بورڈ (پی سی بی) نے بھارتی شائقین کے پاکستانی کھلاڑیوں کے ساتھ پیش آنے والے ناروا سلوک پر شدید احتجاج کیا ہے۔
پی سی بی حکام نے انٹرنیشنل کرکٹ کونسل (آئی سی سی) سے رابطہ کرکے 14 اکتوبر کو احمد آباد میں پاک بھارت میچ کے دوران بھارتی تماشائیوں کے ناروا رویے پر نوٹس لینے کا مطالبہ کیا ہے۔
واضح رہے کہ احمد آباد میں 14 اکتوبر کو کھیلے گئے پاک بھارت میچ میں بھارتی شائقین نے پاکستانی کھلاڑیوں کے خلاف مذہبی اور نا مناسب نعرے لگا کر انہیں اُکسانے کی کوشش کی تھی۔
پی سی بی حکام نے انٹر نیشنل کرکٹ کونسل سے پاکستانی صحافیوں اور شائقین کو ویزے جاری نہ کرنے پر بھی احتجاج کیا ہے اور ویزوں کا معاملہ جلد حل کرانے پر زور دیا۔
پی سی بی حکام نے آئی سی سی پر واضح کیا کہ پاکستانی صحافیوں اور شائقین کو ویزے جاری نہ کرنا میزبانی کے معاہدے کی کھلم کھلا خلاف ورزی ہے جبکہ کھلاڑیوں پر نامناسب جملے کسنا اور مذہبی نعرے لگانا اخلاقیات کے خلاف ہے۔
.jpg)
