شاداب خان کی میڈیکل رپورٹس مثبت آئی ہے اور وہ دورہ انگلینڈ کیلیے دستیاب نہیں ہوں گے، چیف سلیکٹر
٢١ اپریل ٢٠١٩
تصویر: اے ایف پی
لاہور: لیگ اسپنر شاداب خان کے بلڈ ٹیسٹ رپورٹ درست نہیں آئی جس کے باعث انہیں انگلینڈ نہیں لے جایا جائے گا۔
پاکستان کرکٹ ٹیم کو انگلینڈ روانگی سے پہلے دھچکا لگ گیا، قومی ٹیم کے لیگ اسپنر شاداب خان دورہ انگلینڈ سے باہر ہوگئے ہیں، لیگ اسپنر شاداب خان کے بلڈ ٹیسٹ کی رپورٹ درست نہیں، شاداب خان کا دوبارہ ٹیسٹ کرایا جائے گا، رپورٹ درست نہ آئی تو شاداب خان کی ورلڈ کپ میں شمولیت مشکوک ہو جائیگی۔
چیف سلیکٹر انضمام الحق نے خبر کی تصدیق کرتے ہوئے کہا کہ شاداب خان کی میڈیکل رپورٹس مثبت آئی ہے، شاداب خان کو 4 ہفتے آرام کا مشورہ دیا ہے، شاداب خان دورہ انگلینڈ کے لیے دستیاب نہیں ہوں گے، امید ہے لیگ اسپنر ورلڈکپ سے پہلے مکلمل فٹ ہوجائیں گے۔
ذرائع کا کہنا ہے کہ انگلینڈ کے خلاف سیریز کے لیے یاسر شاہ یا محمد نواز میں سے کسی ایک کو ٹیم کا حصہ بنایا جاسکتا ہے۔
واضح رہے 5 ٹیسٹ، 34 ایک روزہ اور 32 ٹی ٹوئنٹی میچوں میں پاکستان کی نمائندگی کرنے والے لیگ اسپنر شاداب خان ورلڈکپ کیلیے اعلان کردہ 15 رکنی اسکواڈ کا حصہ ہیں۔
