شاہ خاور بورڈ کے انتخابات تک پی سی بی میں اپنے فرائض سرانجام دیں گے۔
٢٤ جنوری ٢٠٢٤
الیکشن کمشنر پی سی بی شاہ خاور پاکستان کرکٹ بورڈ کے قائم مقام چیئرمین بن گئے۔
ذرائع کے مطابق قائم مقام چیئرمین شاہ خاور کل صبح قذافی اسٹیڈیم میں چارج سنبھالیں گے، وہ بورڈ کے انتخابات تک فرائض سرانجام دیں گے۔
نامزد گورننگ بورڈ رکن پی سی بی محسن نقوی فی الحال ممبر گورننگ بورڈ کے طور پر ہی کام کریں گے۔
قائم مقام چئرمین، الیکشن کمشنر شاہ خاور اب متوقع طور پر ایک ماہ میں بورڈ کے انتخابات کا انعقاد کرائیں گے اور بورڈ آف گورنرز کی تشکیل کا اعلان جلد کریں گے۔
ممبر گورننگ بورڈ محسن نقوی چیئرمین کا انتخاب لڑیں گے، محسن نقوی تین سال کی مدت کے لئے بورڈ کے چئیرمین رہنے کے اہل ہوں گے۔
