شاہین شاہ آفریدی یوں ہی تو دنیا کے بہترین بولر نہیں

نئی گیند کے ساتھ شاہد آفریدی کے جادو نے مانچسٹراوریجنلز کے ٹاپ آرڈر کو درہم برہم کر دیا کیونکہ انہوں نے لگاتاردو گیندوں پر دو اہم وکٹیں حاصل کیں۔
’دی ہنڈریڈ‘ کرکٹ لیگ میں تماشائی اور کمنٹیٹرز پاکستانی کرکٹرز شاہین شاہ آفریدی کی تیز اور گھومتی ہوئی گیندوں کی تعریف پر مجبور ہوئے تو انہیں ’دنیا کا بہترین بولر‘ قرار دے دیا۔ 
گزشتہ روز کھیلے گئے میچ میں شاہین شاہ آفریدی نے پہلے ہی اوور کی ابتدائی دو گیندوں پر دو بلے بازوں کو آؤٹ کر کے پویلین کی راہ دکھائی تھی۔ 
ان مناظر کو سوشل میڈیا ٹائم لائنز پر شیئر کیا گیا تو پس منظر میں کی جانے والی کمنٹری میں شاہین شاہ آفریدی کو ’دنیا کا بہترین بولر‘ قرار دیا جانا واضح طو رپر سنا جاسکتا تھا۔ 
’دی ہنڈریڈ لیگ‘ میں اپنا اولین میچ کھیلنے اور ابتدائی 2 گیندوں پر 2 وکٹیں حاصل کرنے پر کرکٹ فینز نے شاہین شاہ آفریدی کو خوب سراہا
شاہین شاہ آفریدی کی عمدہ پرفارمنس کی وجہ سے بھارتی فینز بھی ان کے معترف دکھائی دیئے۔
’دی ہنڈریڈ‘ کے آفیشل اکاؤنٹ سے شاہین شاہ آفریدی کے اولین میچ کی کارکردگی کو سراہا گیا تو اسے ’شاہین کی آمد‘ سے تعبیر کیاگیا۔ 
سابق انگلش کرکٹر نک نائٹ نے شاہین شاہ آفریدی کی ویڈیو شیئر کرتے ہوئے لکھا کہ ’نئی گیند کے ساتھ شاہین شاہ آفریدی کو روک سکو تو روک لو۔
100 گیندوں کے میچ میں شاہین شاہ آفریدی نے 5،5 گیندوں کے دو اوورز کرائے اور 24 رنز دے کر دو اہم وکٹیں حاصل کی تھیں۔ 
کارڈیف میں کھیلے گئے میچ میں شاہین شاہ آفریدی کی ٹیم ویلش فائر نے مانچسٹر اوریجنلز کو 9 رنز سے شکست دی۔