سری لنکا کو بھارت کے ساتھ شیڈول سیریز سے قبل بڑا دھچکا لگ گیا

سری لنکا نے بھارت سے سیریز کیلیے نئے کپتان کا اعلان کردیا، سری لنکا کو بھارت کے ساتھ شیڈول سیریز سے قبل ایک بڑا دھچکا لگا ہے کیونکہ تجربہ کار تیز گیند باز دشمنتھا چمیرا انجری کے باعث بھارت کے خلاف آئندہ سیریز سے باہر ہو جائیں گے۔ 
دو طرفہ سیریز، جس میں تین ٹی 20 اور اس کے بعد زیادہ سے زیادہ ون ڈےمیچز ہوں گے، اس ماہ کے آخر میں شروع ہونے والی ہے جس کے لیے سری لنکا نے ٹی 20 سیریز کے لیے چارتھ اسالنکا کو کپتان بنادیا ہے۔ 
سری لنکا نے بھارت کے خلاف ٹی 20 سیریز کے لیے 16 رکنی اسکواڈ کا اعلان کردیا ہے، سری لنکن ٹیم کی قیادت چارتھ اسالنکا کریں گے۔بھارت اور سری لنکا کے درمیان شیڈول تین ٹی 20 میچز 27، 28 اور 30 جولائی کو کھیلے جائیں گے۔ 
آل راؤنڈر اینجلو میتھیوز کو 16 رکنی اسکواڈ میں شامل نہیں کیا گیا ہے۔ 
واضح رہے کہ ٹی 20 ورلڈ کپ میں ٹیم کی خراب کارکردگی کے باعث ونندو ہسارنگا نے کپتانی سے استعفیٰ دے دیا تھا، ورلڈ کپ میں آئی لینڈرز سپر ایٹ مرحلے کے لیے کوالیفائی نہیں کرسکے تھے۔ 
دوسری جانب بھارت نے ٹی 20 سیریز کے لیے سوریا کمار یادیو کو کپتان مقرر کردیا ہے، روہت شرما ون ڈے میچزمیں ٹیم کی قیادت کریں گے۔ 
سری لنکا کا ٹی 20 اسکواڈ: 
سری لنکا کی ٹیم میں چارتھ اسالنکا کپتان ہیں جبکہ دیگر کھلاڑیوں میں پتھم نسانکا، کوشل پریررا، اویشکا فرننڈو، کوشل مینڈس، دنیش چندی مل، کمندو مینڈس، دسن شنکاکا، ونندو ہسارنگا، دونتھ ویلالاگے، مہیش تھکشانا، چمیندو وکرماسنگھے، متھیشا پتھیرانا، نوون تھسارا، دشمنتھا چمیرا اور بنیروا فرننڈو شامل ہیں۔ 
بھارت کا ٹی 20 اسکواڈ: 
بھارت کی ٹی 20 ٹیم کی قیادت سوریا کمار یادیو کریں گےجبکہ دیگر کھلاڑیوں میں شبھن گل، یشسوی جیسوال، رنکو سنگھ، ریان پراگ، رشبھ پنت، سنجو سیمسن، ہاردک پانڈیا، شیوم دوبے، اکشر پٹیل، واشنگٹن سندر، روی بشنوئی، ارشدیپ سنگھ، خلیل احمد اور محمد سراج شامل ہیں۔