پاکستان، نیوزی لینڈ ٹی 20 سیریز کے لیے اسٹریمنگ کے حقوق کا معاملہ

تماشا اور ٹرانس گروپ ایف زیڈ ای کے درمیان شراکت نے نیوزی لینڈ کے خلاف پاکستان کی ہوم 20 سیریز اور ویسٹ انڈیز کے خلاف خواتین کی سیریز کے لیے خصوصی لائیو اسٹریمنگ حقوق حاصل کر لیے ہیں، جس میں پانچ ٹی 20 اور تین ون ڈے میچز شامل ہیں۔ 
مسابقتی بولی کے عمل میں، تماشا اور ٹرانس گروپ ایف زیڈ ای کو اے آر وائی گروپ، ٹاور اسپورٹس اور تاپماد سے مقابلہ کرنا پڑا۔ یہ نشریاتی حقوق خاص طور پر پاکستان کے اندر اسٹریمنگ سے متعلق ہیں۔ 
نیوزی لینڈ کے خلاف آئندہ پانچ میچوں کی ٹی 20 سیریز کے لیے اسٹریمنگ کے حقوق کی قدر میں نمایاں اضافہ ہوا ہے، جس سے 2023 میں اسی حریف کے خلاف گزشتہ ہوم سیریز کے مقابلے میں 94 فیصد کا اضافہ ہوا ہے۔ 
پی سی بی کے چیف آپریٹنگ آفیسر، سلمان نصیر نے پاکستان کے لیے بین الاقوامی ہوم سیریز کے حقوق کی بڑھتی ہوئی قدر پر اطمینان کا اظہار کیا اور متنوع بین الاقوامی ٹیموں کی میزبانی کے باعث مارکیٹ کی مضبوط دلچسپی کی نشاندہی کی۔ ان کا کہنا تھا کہ "پاکستان کے خطے کے لیے بین الاقوامی ہوم سیریز کے حقوق کی قدر میں اضافہ مارکیٹ کی ٹھوس دلچسپی کو نمایاں کرتا ہے جو مختلف بین الاقوامی ٹیموں کی میزبانی سے پیدا ہوتا ہے۔،، 
پاکستان کرکٹ بورڈ کامیاب بولی لگانے والوں کو مبارکباد دیتا ہے اور اس صحت مند کاروباری معاہدے کو جاری رکھنے کا منتظر ہے۔ پاکستان کرکٹ کے بارے میں ان کے عزم اور تعاون پر میں تماشا اور ٹرانس گروپ ایف زیڈ ای کے کنسورشیم کا شکریہ ادا کرنا چاہتا ہوں۔،، 
ان کا کہنا تھا کہ مجھے ان شائقین کے لیے خوشی ہے جو اگلے مہینے میں مردوں اور خواتین کی ٹیموں پر مشتمل 13 وائٹ بال بین الاقوامی میچوں کے لیے مختلف اسٹریمنگ پلیٹ فارمز کی دستیابی سے خوش ہوں گے۔ امید ہے کہ اس سے ملک میں کرکٹ کے کھیل کی طرف دلچسپی کی سطح بڑھ جائے گی۔،،