سری لنکاٹیسٹ سیریز: زخمی مشفق الرحیم کی جگہ توحیدہردوئےٹیم میں شامل

سری لنکا کے خلاف میچ سے قبل بنگلہ دیش کو زور دار جھٹکا لگ گیا، بنگلہ دیش کے اہم بلے باز مشفیق الرحیم انگوٹھے پر گیند لگنے سے زخمی ہو کر میچ سے باہر ہوگئے۔  
بنگلہ دیش کے وکٹ کیپر بلے باز مشفیق الرحیم سری لنکا کے خلاف تیسرے ون ڈے میچ میں انگوٹھے کی انجری کے باعث ٹیسٹ سیریز سے باہر ہو گئے ہیں۔ 
تفصیلات کے مطابق بنگلہ دیش کرکٹ ٹیم کے فیزیو تھیراپسٹ کا کہنا ہے کہ مشیفق الرحیم کو ٹھیک ہونے میں تقریبا تین ہفتے لگیں گے، لہذا اب ان کی جگہ توحید ہر دوئے کو اسکواڈ میں شامل کیا گیاہے۔ 
بنگلہ دیش کی کرکٹ ٹیم نے سری لنکا کے خلاف آئندہ دو میچوں کی سیریز میں زخمی مشفق الرحیم کی جگہ توحید ہردوئے کو اپنے پہلے ٹیسٹ میچ میں شرکت کے لیے بلالیا ہے۔ دو میچز پر مشتمل سیریز کا آغاز جمعہ 22 مارچ کو سلہٹ، بنگلہ دیش میں ہونا ہے۔ 
بنگلہ دیش کی بیٹنگ لائن اپ کے اہم بلے باز مشفق الرحیم اس ہفتے کے شروع میں چٹاگانگ میں تیسرے اور آخری ون ڈے انٹرنیشنل کے دوران انگوٹھے کی انجری کے باعث سیریز سے باہر ہو گئے تھے۔ 
دوسری جانب توحید ہردوئے، جو 30 ون ڈے اور 14 ٹوئنٹی 20 بین الاقوامی میچز کے ساتھ محدود اوورز کی کرکٹ میں اپنی صلاحیتوں کے لیے مشہور ہیں، اب اپنا ٹیسٹ ڈیبیو کرنے کے لیے تیار ہیں۔
یاد رہے کہ 2023 کے انڈر 19 ورلڈ کپ کے فاتح نے 14 میچز میں نمایاں ہونے کے بعد 48.05 کی اوسط کے ساتھ ایک شاندار فرسٹ کلاس ریکارڈ قائم کیا۔ 
یہ سیریز ون ڈے فارمیٹ میں سری لنکا کے خلاف بنگلہ دیش کی حالیہ کامیابی کے بعد شیڈول ہے، جہاں اس نے 2-1 سے فتح حاصل کی۔  
دونوں ملکوں کے درمیان دوسرا ٹیسٹ، جو 2023-25 ​​آئی سی سی ورلڈ ٹیسٹ چیمپئن شپ سائیکل کا بھی حصہ ہے، 30 مارچ کوشروع ہوگا۔ 
یاد رہے کہ بنگلہ دیش اور سری لنکا کے درمیان پہلا ٹیسٹ میچ کل سے سلہٹ میں شروع ہو گا جبکہ دوسرا میچ 30 مارچ کو چٹوگرام میں کھیلا جائے گا۔ 
واضح رہے کہ دونوں ملکوں کے درمیان تین ٹی ٹوئنٹی میچز کی سیریز بھی کھیلی گئی تھی جسے مہمان ٹیم نے 1-2 سے اپنے نام کیا، اس کے بعد تین ون ڈے میچز کی سیریز بھی شیڈول تھی جسے میزبان ٹیم نے 2-1 سے اپنے نام کیا۔ 
بنگلہ دیش ٹیسٹ اسکواڈ:
نجم الحسن شانتو (کپتان)، ذاکر حسن، محمود الحسن، شادمان اسلام، لٹن داس، مومن الحق، توحید ہردوئے، شہادت حسین، مہدی حسن میراز، نعیم حسن، تیج الاسلام، شرف الاسلام، سید خالد احمد، مشفیق حسن، ناہید رانا۔