وورسٹر شائر نے اسامہ میرکے کنٹریکٹ میں توسیع کردی

کاؤنٹی کرکٹ کلب نے اسامہ میر کی شاندار بولنگ کو دیکھتے ہوئے انہیں ٹی ٹوئنٹی بلاسٹ ٹورنامنٹ کے باقی میچز کے لیے بھی سائن کرلیا۔

اسامہ میر کا کہنا تھا کہ میں یہاں صرف تین میچز کھیلنے کے لیے آیا تھا اوراب فُل کنٹریکٹ سائن کرلیا ہے۔

قومی ٹیم کے لیگ اسپنر کا مزید کہنا تھا کہ پاکستان میں فرسٹ کلاس کرکٹ کھیل چکا ہوں لیکن انگلینڈ میں کاؤنٹی چیمپئن شپ کھیلنے کا تجربہ بہت مختلف ہے۔

قومی ٹیم کے لیگ اسپنر نے اپنے چار اوورز میں صرف 5.5 کے اکانومی ریٹ کے ساتھ 3/22 کے متاثر کن اعداد و شمار حاصل کیے۔

اسامہ میر نے وائٹلٹی بلاسٹ میں برمنگھم بیئرز کے خلاف ووسٹر شائر میں ناقابل یقین واپسی کی۔

لیگ اسپنر نے اپنے چار اوورز میں صرف 5.5 کے اکانومی ریٹ کے ساتھ 3/22 کے متاثر کن اعداد و شمار حاصل کیے۔ یہ ایک بہترین کارکردگی تھی جس نے ان کی ٹیم کی جیت میں اہم کردار ادا کیا۔ میر کو پہلی کامیابی اس وقت ملی جب انہوں نے 27 رنز پر روب یٹس کو آؤٹ کیا۔ اس کے بعد انہوں نے گلین میکسویل کی وکٹ حاصل کی جو صرف 9 رنز بنا کر آؤٹ ہوئے۔ اس کے بعد انہوں نے ایڈ برنارڈ کی وکٹ صرف 5 رنز پر حاصل کی۔