ٹیم پاکستان کا ورلڈ کپ کا سفر ڈیلاس سے شروع ہوگا، جہاں اس کا 6 جون کو شریک میزبان امریکا سے مقابلہ ہوگا۔
٠٢ جون ٢٠٢٤
پاکستان میں تعینات امریکی سفیر ڈونلڈ بلوم نے ٹی ٹوئنٹی ورلڈ کپ میں پاکستان ٹیم کے لیے نیک خواہشات کا اظہار کیا ہے۔ اپنے ایک بیان میں امریکی سفیر ڈونلڈ بلوم نے کہا کہ کپتان بابر اعظم اور پاکستان کرکٹ ٹیم کے لیے میری نیک خواہشات ہیں، پاکستان میں کرکٹ کے لیے بے انتہا محبت اور جنون دیکھا ہے۔
تفصیلات کے مطابق اسلام آباد میں تعینات امریکی سفیر ڈونلڈ بلوم کا کہنا ہے کہ موسم گرما میں ہر کھلی جگہ پر پاکستان میں کرکٹ کھیلی جاتی ہے، پاکستان اور امریکا دونوں ہی کھیلوں کے لیے محبت رکھنے والے ملک ہیں۔،،
ڈونلڈ بلوم نے کہا کہ امریکا پہلی بار ٹی ٹوئنٹی ورلڈ کپ کی میزبانی کرے گا، امید ہے کہ تمام میچز دلچسپ ہوں گے۔انہوں نے کہا کہ حال ہی میں پاکستانی کرکٹ ٹیم کے ساتھ ملاقات کی اور پاکستان کرکٹ ٹیم سے چند بولنگ اور بیٹنگ کی ٹپس بھی سیکھیں۔ میری نیک خواہشات پاکستان ٹیم کے ساتھ ہیں۔،،
واضح رہے کہ پاکستان ٹیم میگا کرکٹ ایونٹ میں اپنا پہلا میچ 6 جون کو میزبان امریکا کے خلاف ڈیلس میں کھیلے گی۔پاکستان ٹی 20 ورلڈ کپ کے گروپ اے میں شامل ہے، جس میں بھارت، امریکا، کینیڈا اور آئرلینڈ کی ٹیمیں بھی موجود ہیں۔
.jpg)
