ٹی ٹونٹی ورلڈ کپ کے دوران ویسٹ انڈیز کو بڑا دھچکا لگ گیا

بدھ کی رات سینٹ لوشیا میں انگلینڈ کے خلاف ویسٹ انڈیز کے میچ کے دوران سائیڈ اسٹرین کا شکار ہونے کے بعد برینڈن کنگ کی ٹی20 ورلڈ کپ کے بقیہ میچوں میں شرکت غیر یقینی کاشکارہوگئی ہے۔
برینڈن کنگ نے 12 گیندوں پر تیزترین 23 رنز بنائے جس میں ریس ٹوپلے کی گیند پر لگایا گیا ایک زبردست چھکا بھی شامل تھا، اس سے پہلے کہ وہ اپنی اننگز جاری رکھ پاتے سیم کرن کے خلاف شاٹ کھیلنے کی کوشش کرتے ہوئے، برینڈن کنگ سائیڈ اسٹرین کا شکار ہوگئے تاہم طبی امداد حاصل کرنے کے بعد وہ ریٹائرڈ ہرٹ ہو گئے۔ انہوں نے انگلینڈ کی اننگز کے دوران فیلڈنگ نہیں کی اور ان کی جگہ شمرون ہیٹمائر نے لی۔ کرکٹ ویسٹ انڈیز نے برینڈن کنگ کے زخمی ہونے کی تصدیق سائیڈ اسٹرین کے طور پر کی ہے۔ 
ورلڈ کپ کے بقیہ میچزکے لیے برینڈن کنگ کی دستیابی یقینی ہونے کے لیے سائیڈ اسٹرینز کو عام طور پر کئی ہفتے درکار ہوتے ہیں جبکہ میگا ایونٹ کے اختتام میں صرف 10 دن باقی ہیں۔ 
جمعہ کو کینسنگٹن اوول میں امریکہ کے خلاف اپنے اگلے سپر ایٹ میچ کی تیاری میں، ویسٹ انڈیز اپنی اسٹینڈ بائی لسٹ میں آندرے فلیچر، کائل میئرز، فیبین ایلن، ہیڈن والش جونیئر اور میتھیو فورڈ کو تبدیل کرنے پر غور کررہا ہے۔ کائل میئرز کو برینڈن کنگ کے جگہ پوری کرنے کے لیے ممکنہ امیدوار سمجھا جارہا ہے حالانکہ آندرے فلیچر بیٹنگ آرڈر کے ٹاپ کے حصے میں ایک مضبوط آپشن کے طور پر دستیاب ہیں۔