news
English

فخر زمان ٹی ٹوئنٹی رینکنگ میں 43 ویں نمبر سے دوسری پوزیشن پر آگئے

ٹوئنٹی کی سب سے بڑی 172 رنز کی اننگز کھیلنے والے آسٹریلوی اوپنر ایرون فنچ نے ٹاپ پوزیشن حاصل کرلی

فخر زمان ٹی ٹوئنٹی رینکنگ میں 43 ویں نمبر سے دوسری پوزیشن پر آگئے PHOTO: AFP

آئی سی سی ٹی ٹوئنٹی رینکنگ میں پاکستان کے فخر زمان 44 درجے کی لمبی چھلانگ کے ساتھ دوسرے نمبر پر آ گئے ہیں۔

سہ ملکی سیریز میں شاندار کارکردگی کا صلہ فخر زمان کو رینکنگ میں بڑی ترقی کی صورت میں ملا ہے، سیریز کے دوران کیریئر بیسٹ 91 رنز سمیت 278 رنز بنانے والے فخر زمان 43 ویں نمبر سے لمبی چھلانگ لگاتے ہوئے دوسرے نمبر پر آ گئے ہیں۔

سیریز کے دوران ٹی ٹوئنٹی کی سب سے بڑی 172 رنز کی اننگز کھیلنے والے آسٹریلوی اوپنر ایرون فنچ 3 درجے بہتری کےساتھ ٹاپ پوزیشن پر آ گئے ہیں، بھارتی بیٹسمین لوکیش راہول تیسرے پوزیشن سنبھال لی ہے، کولن منرو تنزلی کے ساتھ چوتھے، بابر اعظم 5 ویں، گلین میکسویل چھٹے، ایون لیوس 7 ویں، مارٹن گپٹل 8ویں نمبر پر چلے گئے ہیں، ایلکس ہیلز 9 ویں پوزیشن پر برقرار جبکہ ڈارسی شارٹ ترقی کرتے ہوئے 10 ویں نمبر پر آ گئے ہیں۔